दमक। ज्येष्ठ नागरिक सम्मान प्रतिष्ठान नेपाल वडा समिति दमक -८ ले ज्येष्ठ बुबा आमाहरुका लागि एक दिने धार्मिक अवलाेकन भ्रमण सम्पन्न गरेकाे छ ।
दमक -८ मा रहेका ज्येष्ठ नागरिक सम्मान प्रतिष्ठानका असी जना आजिवन सदस्यहरुलाई ईटहरी स्थित नयाँ बृन्दाबन धाम, सुनसरी स्थित रामधुनी धाम र चतरा धामकाे अवलाेकन भ्रमण गराईएकाे हाे ।
सुनसरीकाे ऐतिहासिक स्थल रामधुनीमा एक ओपचारिक कार्यक्रम गरेर असी बर्ष माथिका ज्येष्ठ बुबा आमाहरुलाई सम्मान समेत गरिएकाे थियाे ।
सम्मानित हुने बुबाआमाहरु तारानिधी मिश्र, पुष्प बहादुर अधिकारी र लक्षीमा पाैडेल रहनुभएकाे प्रतिष्ठानका अध्यक्ष ओमप्रसाद खनालले बताउनु भयाे ।
उक्त कार्यक्रममा विभिन्न मनाेरञ्जनात्मक कार्यक्रमहरु समेत भएकाे र उत्कृष्ट हुने बिजेतालाई पुरस्कार समेत बितरण गरिएकाे थियाे ।
दमक नगर पालिका वडा कार्यलय दमक -८ कि वडा सदस्य हरिमाया चुडाल काे प्रमुख आतिथ्यतामा भएकाे उक्त कार्यक्रमकाे अध्यक्षता प्रतिष्ठानका वडा अध्यक्ष ओमप्रसाद खनालले गरेका थिए ।
कार्यक्रममा ज्येष्ठ नागरिक सम्मान प्रतिष्ठानका केन्दिय सचिव जीवराज भट्टराई , केन्दिय लेखा संयाेजक कृष्णराज थापा, पुर्व केन्दिय उपाध्यक्ष डाेयना दहाल ,पुर्व सदस्यहरु शुरेश पाैडेल, शुशिला गाैतम लगायतकाे उपस्थिति रहेकाे थियाे ।
कार्यक्रमको सञ्चालन प्रतिष्ठानका वडा सचिव तारानाथ भट्टराईले गरेका थिए ।
प्रतिकृया