दमक ।  झापाको दमकमा आयोजित रक्तदान कार्यक्रममा ७५ पिन्ट रगत सङ्कलन भएको छ। उद्योग वाणिज्य संघ दमकद्धारा आयोजित रक्तदान कार्यक्रममा ११ महिला र ६४ पुरुषले रक्तदान गरेका रक्त सञ्चार दमकलाई प्रमुख सिद्धार्थ दाहालले जानकारी दिनुभयो। ‌‌‌

दमक-६ स्थित नमुना बजारमा भएको रक्तदान कार्यक्रममा पहिलो पाइला दमकका अध्यक्ष दिपक खड्काले पहिलो रक्तदाताको रुपमा रक्तदान गर्नु भएको थियो।

कार्यक्रम वाणिज्य संघका पूर्व अध्यक्ष विजय बरालको प्रमुख आतिथ्यमा भएको थियो। कार्यक्रम संयोजक लक्की सिटौलाले स्वागत मन्तव्य राख्नु भएको कार्यक्रममा उद्योग वाणिज्य संघका द्धितीय उपाध्यक्ष राजकुमार योङहाङ, सशस्त्र प्रहरीका इन्स्पेक्टर गोपाल पोखरेल, लायन्सका जोन चियरपर्सन हेमसिंह अधिकारी, लगायतको उपस्थिति रहेको थियो।  संघका बरिष्ठ उपाध्यक्ष गोपाल गुरागाईंको अध्यक्षता रहेको सो कार्यक्रम वाणिज्य संघका प्रथम उपाध्यक्ष राजु खड्काले संचालन गर्नु भएको थियो।