दमक। नेपाली कांग्रेसको दमक नगर सभापतिमा युवा नेता प्रकाश प्रसाई विजयी हुनुभएको छ। उहाँले १ सय ७६ मत प्राप्त गर्दै जित हासिल गर्नु भएको हो। उहाँका निकट्तम प्रतिद्वन्द्वी पर्शुराम रिजालले ९९ र रोशन बिष्टले ४५ मत प्राप्त गर्नु भयो।

त्यस्तै उपसभापतिमा रिजाल प्यानलका प्रेम भट्टराई १ सय ३६ र प्रसाई प्यानलका सागर खनाल १ सय ३२ मत प्राप्त गर्दै विजयी हुनुभएको छ।

सचिवमा रिजाल प्यानलका रामचन्द्र अधिकारी ( आरसी )  १ सय ४५ मत र बिष्ट प्यानलका दिपेश दाहाल १ सय ३४ मत प्राप्त गर्दै विजयी हुनुभएको छ।

सह-सचिवमा प्रसाई प्यानलका मनीकुमार लिम्बु १ सय १७ मत र रिजाल प्यानलकी रमुना चापागाईं १ सय १५ मत प्राप्त गर्दै विजयी हुनुभएको छ।