दमक। नेपाली कांग्रेस दमकले दशैं, तिहार, छठ, नेपाल सम्वत् लगायत पर्वहरुको अवसर पारेर सोमबार शुभकामना आदनप्रदान तथा चियापान कार्यक्रम सम्पन्न गरेको छ ।

पार्टी नगर समितिको आयोजनामा पार्टी कार्यालयमा आयोजित शुभकामना आदनप्रदान कार्यक्रममा जिल्ला सभापति उद्धव थापाको प्रमुख आतिथ्य रहेको थियो । कार्यक्रमका विशिष्ट अतिथि प्रतिनिधि सभा सदस्य तथा कांग्रेस नेतृ महेन्द्रकुमारी लिम्बु, विशिष्ट अतिथी कांग्रेस झापाका पूर्व सभापति पूर्णानन्द शर्मा,महासमिति सदस्य तथा जिल्ला सभापतिका उम्मेदवार देउमान थेवे, महासमिति सदस्यहरु शेर बहादुर भट्टराई, सुरेश सुब्बा, दिल बहादुर बुढाथोकी, मेदनी सिटौला, गौरादह नगर प्रमुख तथा महासमिति सदस्य रोहितकुमार साह, अनिलकृष्ण प्रसाइँ, रोशन गौतम,रेगिना भट्टराई प्रसाई, पार्टीका क्षेत्रीय सभापति ढुण्डीराज भण्डारी लगायतले शुभकामना सहित आफ्नो धारणा राख्नुभएको थियो।

त्यस्तै सभापति प्रकाश प्रसाईले कार्यक्रमको औचित्यमाथि प्रकाश पार्नु भएको थियो । उप-सभापति सागर खनालले स्वागत मन्तव्य राखेको कार्यक्रम सचिव रामचन्द्र अधिकारीले संचालन गर्नु भएको थियो। कार्यक्रममा कांग्रेसका नेता कार्यकर्ताको उपस्थिति रहेको थियो।