दमक । झापाको दमक स्थित रतुवा खोलामा आएको बाढीले दमक-७ मा पर्ने दमक रेडक्रस पूर्वको बस्तीका ७ ओटा घर बगाएको छ ।

अन्य केही घर बाढीको जोखिममा परेका छन् ।
तीन दिनदेखिको अविरल बर्षापछि बस्ती नजिकैको रतुवा खोलामा गएराती १० वजेतिर आएको बाढीले कटान गर्दा ७ घर बगाएको हो।

बाढीको कारण अन्य ६ घर जोखिममा परेका छन्। त्यस्तै वर्षाका कारण जिल्लाका बिभिन्न स्थानमा हजारौं बिगाहा जग्गामा धान डुबाएको छ। झापाको दमक, कमल, गौरादह,गौरिगन्ज, भद्रपुर लगायत पालिकामा धान डुबाएको छ।