दमक । जलथल एफसी झापाको शिवसताक्षी-७ फाक्तेपमा जारी प्रथम एनी फाक्तेप गोल्डकप फुटबल प्रतियोगिताको सेमिफाइनलमा प्रवेश गरेको छ। उसले रोयल स्पोर्टिङ्ग क्लब दमकलाई २-० ले पराजित  गर्दै सेमिफाइनल यात्रा तय गरेको हो।

बिजयी टिमका लागि जर्सी नम्बर ११ का श्याम मुर्मु र जर्सी नम्बर १३ का राजकुमार कन्दङ्वाले गोल गरेका थिए।

मुर्मुले पहिलो हाफको २३ औ मिनेटमा गोल गर्दै टिमलाई अग्रता दिलाए थिए भने कन्दङ्वाले दोश्रो हाफको इन्जुरी समयको २ मिनेटमा गोल गरेका थिए। कन्दङवा नै खेलको म्यान अफ दि म्याच घोषित भए। उनले नगद ३ हजार र ट्रफी हात पारे।

सोमवार उपाधि दाबेदार धरान सिटी एफसी र माई भ्याली एफसी आमनेसामने हुनेछन्। प्रतियोगिताको विजेताले नगद एक लाख एक हजार हात पार्ने छ भने उपविजेताले नगद एकाउन्न हजार प्राप्त गर्ने छ।