उदयपुर।  उदयपुरको बेलका नगरपालिका–८ कोठुबाट १ केजी गाँजा सहित एक जना महिलालाई प्रहरीले पक्राउ गरेको छ । पक्राउ पर्नेमा भोजपुर हचुवागढी–४ कि १९ बर्षीया सुजता मग्राती रहेकी छन् ।

हिजो बेलुका ४ बजे अस्थाई प्रहरी पोष्ट कोठुबाट खटिएको प्रहरी टोलीले दक्षिण तर्फ जादै गरेको बोलेरोमा सवार रहेकी मग्रातीको जेब्रा झोलामा लुकाई ल्याएको लागूऔषध गाँजा एक केजी बरामद गरेको हो । मग्रातीलाई ईलाका प्रहरी कार्यालय रामपुर ठोक्सिलामा राखी थप अनुसन्धान गरिरहेको प्रहरीले जनाएको छ ।