विराटनगर। सुनसरीको बर्जु महोत्सवमा स्थानीयले तोडफोड र आगजनी गरेका छन् । सुनसरीको बर्जु गाउँपालिका-६ स्थित चिमडीमा जारी बर्जु महोत्वसमा चर्चित भारतीय कलाकार खेसरीलाल यादव नआएको भन्दै स्थानीयले तोडफोड र आगजनी गरेका हुन् ।

भारतीय कलाकार खेसरीलाल आउने भनेर प्रचार गरिएपनि अन्ति समयमा नआएपछि आक्रोशित स्थानीयले स्टेज र कुर्सी तोडफोड गरिदिएका छन् । त्यस्तै आक्रोशित स्थानीयले आगजनीसमेत गरेका हुन् ।

खेसरीलाल आउने भनेर महंगोमा टिकट काटेका स्थानीयले उनी आउने कार्यक्रम रद्ध भएको जानकारी पाएपछि तोडफोड र आगजनी गरेको प्रत्यक्षदर्शी स्थानीय धर्मेश ठाकुरले बताएका छन् । उनका अनुसार आक्रोशित स्थानीयले भारतीय नम्बर प्लेटका ४ वटा स्कोरपियो र मोटरसाइकमा आगजनी गरेका छन् ।

त्यस्तै आक्रोशित स्थानीयले स्टेज, कुर्सीहरु र बाजागाजा समेत तोडफोड गरेका छन् । स्थानीयको तोडफोडबाट ठुलो क्षति भएको जनाइएको छ । घटनास्थलमा अहिले बाक्लो संख्यामा प्रहरी परिचालन गरिएको छ ।