दमक।  कुमारी बैंक दमक शाखाले दमक उद्योग वाणिज्य संघको माहामारी नियन्त्रण कोषको लागि आर्थिक सहयोग गरेको छ । उसले आज उधोग वाणिज्य संघमा आयोजित एक कार्यक्रममा ५० हजार रुपैयाँको चेक हस्तान्तरण गरेको हो ।

बैंकका उर्लाबारी तथा दमक शाखाका प्रमुख युवराज दाहालले महामारी नियन्त्रण अभियानका संयोजक तथा दमक उद्योग वाणिज्य संघका पूर्व अध्यक्ष प्रकाश प्रसाइ र बाणिज्य संघका अध्यक्ष गोकुल श्रेष्ठलाई संयुक्त रुपमा चेक हस्तान्तरण गर्नु भयो ।

सहयोग हस्तान्तरण कार्यक्रममा दमक उद्योग वाणिज्य संघका वरिष्ठ उपाध्यक्ष गोपाल गुरागाईं, प्रथम उपाध्यक्ष राजु खड्का लगायतको उपस्थिति रहेको थियो।  उद्योग वाणिज्य संघद्धारा संचालित महामारी नियन्त्रण अभियान अन्तर्गत अक्सिजन प्लान्ट स्थापनाको लागि सो सहयोग हस्तान्तरण गरिएको हो।

महामारी कोषमा १४ लाख बढी सहयोग प्राप्त भइसकेको संयोजक प्रकाश प्रसाइले जानकारी दिनुभयो। अभियानले यसअघि दमक अस्पताललाई ४१ लाख बराबरको स्वास्थ्य सामाग्री हस्तान्तरण गरिसकेको छ।