ज्ञानेन्द्र खैजु, ललितपुर ।  नेपाल बुद्धिचाल संघका पूर्वअध्यक्ष एवं सहकारी अभियन्ता स्व.राजेशहरि जोशीस्मृति फिडे रेटिङ्ग बुद्धिचाल प्रतियोगितामा तेश्रो दिन चौथौं र पाँचौं चरणका खेलहरु सम्पन्न भयो ।

कुमारीपाटीस्थित अग्नि पार्टी प्यालेसमा संचालित खेलमा फिडेमास्टर रुपेश जैसबाल, थापाथलि चेस पार्कका फिडेमास्टर क्षितिज भण्डारी, डाइनामिक चेस एकेडेमी दमकका भुपेन्द्र निरौला, फिडेमास्टर मनिष हमाल र पूर्व नेपाल च्याम्पियन बद्रिलाल नेपाली समान साढे चार अंकका साथ संयुक्तरुपमा अग्रस्थानमा छन् ।

ललितपुर स्पोर्टस् क्लबद्धारा आयोजित प्रतियोगितामा एसियन एमेच्योर च्याम्पियन हेटौडाका कृष्ण थापा, भक्तपुरका युवा खेलाडी निकेन कुसाथा, दमकका राजन सुवेदी र सर्लाहीका कमल श्रेष्ठले समान ४ अंकसहित दोश्रो स्थानमा रहेका छन् ।

पाँच दिने प्रतियोगितामा स्वीस लिग अनुसार ९ चरणका खेलहरु हुनेछ । जसमा विजेताले ५० हजार, दोश्रोले ३० हजार, तेश्रोले २० हजार नगद पुरस्कार प्राप्त गर्नेछन् भने उत्कृष्ठ ३३ जनाले कुल ३ लाख १० हजार नगद पुरस्कार पाउने छन् ।

भोलि बिहान ८ः०० बजे छैटौं र दिउँसो १ः०० बजे सातौं चरणका खेलहरु हुनेछन् ।