दमक। एक साताको एक्सचेन्ज अफरसहित झापाको दमकमा अनलाइन कम्प्युटरको नयाँ आउटलेट संचालनमा आएको छ। आउटलेटको आज एक कार्यक्रमकाबीच उद्घाटन गरिएको छ।

आउटलेटको उद्घाटन संचालक सुरज धिमालको पिता गणेश बहादुर धिमालले रिबन काटेर गर्नु भयो। सो क्रममा संचालक धिमालले विभिन्न कम्पनीका ब्रान्डेड ल्याप्टप एक साताको लागि एक्सचेन्ज अफरमा लिन सक्ने बताउनुभयो।

एक्सचेन्ज अफर आगामी १२ गते सम्म चल्ने पनि धिमालले जानकारी दिनुभयो। त्यस्तै उहाँले किस्तामा पनि ल्याप्टप तथा कम्प्युटर उपलब्ध गराउन बैंकसँग कुरा भएको बताउनु भयो।

उद्घाटन कार्यक्रममा दमक जेसिजका अध्यक्ष सुयोग खरेल लगायतको उपस्थिति रहेको थियो। धिमालले २०६८ सालदेखि दमकमा कम्प्युटर व्यवसाय शुरु गर्नु भएको हो।