दमक। नेपाली कांग्रेसका नव निर्वाचित दमक नगर सभापति प्रकाश प्रसाईले मतदान सम्म मात्र दमक कांग्रेस तीन समुहमा भएको बताउनु भएको छ।

सभापतिमा निर्वाचित भएपछि शुभदिनसँगको कुराकानीमा प्रसाईले यस्तो प्रतिक्रिया दिनुभएको हो। उहाँले भन्नुभयो,” मतपेटिकामा मत खसाल्दा सम्म मात्र हामी तीन समुहमा थियौ। अहिले हामी कांग्रेस मात्र हौ।

सभापति प्रसाईले अब आँफू अग्रजहरुको सुझाव सल्लाह र युवाहरुको जोस जाँगरलाई साथमा लिएर अघि बढ्ने भन्दै कांग्रेसलाई सबल बनाउन लागि पर्ने प्रतिबद्धता जनाउनुभयो।

उहाँले निर्वाचनमा पराजय भोगेकालाई चुनाव हारेको नभई केहि मत मात्र कम ल्याएको भन्दै पराजित साथीहरुलाई पनि समेटेर अगाडि बढ्ने बताउनु भएको छ ।