विराटनगर । “६६ औँ प्रहरी दिवस २०७८” को अवसरमा आयोजित रक्तदान कार्यक्रम सम्पन्न भएको छ । नेपाल रेडक्रस सोसाइटी मोरङ जिल्ला शाखाको सहयोग तथा १ नम्बर प्रदेश प्रहरी कार्यालय विराटनगरको आयोजनामा भएको रक्तदानमा ६० जनाले रक्तदान गरेका छन्।

उक्त कार्यक्रममा १ नम्बर प्रदेश प्रहरी कार्यालय, १ नम्बर प्रदेश प्रहरी तालिम केन्द्र, १ नम्बर प्रदेश सशस्त्र प्रहरी गण, १ नम्बर प्रदेश दंगा नियन्त्रण गण दुहवी र जिल्ला प्रहरी कार्यालय मोरङमा कार्यरत रहेका ६० जना प्रहरी अधिकृत तथा जवानहरुले रक्तदान गरेका छन् । कार्यक्रम प्रहरी प्रमुख प्र.ना.म.नि. अरुण कुमार बि.सीको प्रमुख आतिथ्यतामा रहेको थियो।