झापा।  घरेलु टोली माल्दिभ्सलाई पाखा लगाउँदै नेपालले साफ च्याम्पियनसिप फुटबलमा विजयी शुरुवात गरेको छ। माल्दिभ्सको राजधानी मालेमा सम्पन्न खेलमा माल्दिभ्सलाई १-० को झिनो अन्तरमा पराजित गरेको हो । जितसँगै नेपालले ३ अंक जोडेको छ ।

वैकल्पिक खेलाडीका रुपमा मैदान प्रवेश गरेका मनिष डाँगीले खेल सकिन ५ मिनेट बाँकी छँदा गरेको गोल नै निर्णायक भयो । उनले काउन्टर अट्याकमा आएको आक्रमणलाई अघि बढाउँदै गोल गरेका थिए । तीन डिफेन्डरको चुनौती काट्दै उनले गोलरक्षकलाई वन भर्सेस वनको स्थितिमा बिट गरेका थिए ।

खेलको अधिकांश समय भने माल्दिभ्सले बलमा पकड जनाएको थियो।