काठमाडौं। पहिलो पटक साफ च्याम्पियनसिपको फाइनलमा पुगेको नेपाल भारतसँग पराजित भएको छ । माल्दिभ्सको मालेस्थित राष्ट्रिय रंगशालामा शनिबार राती सम्पन्न खेलमा नेपालमाथि ३-० को फराकिलो अन्तरको जित निकाल्दै भारतले उपाधि जितेको हो। यो जितसँगै भारतले आठौं पटक साफ च्याम्पियनसिपको उपाधि जित्यो ।

पहिलो पटक फाइनल पुगेको नेपाल भने पराजित हुँदै उपविजेतामा सिमित भयो । फाइनलको पहिलो हाफ गोलरहित बराबरीमा सकिएपनि दोस्रो हाफमा आक्रामक सुरुवात गरेको भारतले दोश्रो हाफको सुरुवातमै लगातार २ गोल गरेको थियो ।

दुई गोलले पछि परेपछि आक्रामक रणनीति अपनाएको नेपालले गोल गर्न सकेन। बरु खेलको अन्त्यमा गोल थप्दै भारतले आठौं उपाधि पक्का गर्यो । कप्तान सुनिल क्षेत्रीको गोलबाट खाता खोलेको भारतले नेपाल विरुद्ध उत्कृष्ट प्रदर्शन गरेको थियो। नेपालले भने समुह चरणको स्तरको पनि खेल खेल्न सकेन् ।