मोरङ । मोरङको लेटाङ्गमा मोटरसाइकलको ठक्करबाट एक जनाको मृत्यु भएको छ। लेटाङ्ग नगरपालिका-९ मा आज बिहान मोटरसाईकलले पैदल यात्रीलाई ठक्कर दिंदा पैदल यात्रीको मृत्यु भएको हो।

मृत्यु हुनेमा स्थानीय ५० बर्षीया अम्बिका ढकाल रहेको प्रहरीले जनाएको छ। बिहान साँढे ९ बजेको समयमा पूर्वबाट पश्चिम तर्फ जाँदै गरेको मे ८ प १९२६ नम्बरको मोटरसाईकलले पैदल यात्री ढकाललाई ठक्कर दिएको थियो।

ठक्करबाट घाईते भएकी ढकालको उपचारको क्रममा बिराटनगरको न्यूरो अस्पतालमा मृत्यु भएको ईलाका प्रहरी कार्यालय लेटाङ्गले जनाएको छ । घटनाका सम्बन्धमा प्रहरीले थप अनुसन्धान गरिरहेको छ ।