दुबई। यहाँ जारी ट्वान्टी-ट्वान्टी विश्वकप क्रिकेटमा दक्षिण अफ्रिका विजयी भएको छ। उसले श्रीलंका माथि ४ विकेटको जित निकालेको हो।

श्रीलंकाले प्रस्तुत गरेको एक सय ४३ रनको लक्ष्य लिएर मैदानमा उत्रिएको दक्षिण अफ्रिकाले खराब शुरुवात गरेपनि खेल सकिन एक बल बाँकी छँदा एक सय ४६ रन बनाउँदै जित हासिल गरेको हो।

पराजय नजिक पुगेको उसका लागि डेविड मिलरले अन्तिम ओभरमा लगातार दुई छक्का र कागिसो रवाडाले पाँचौ बलमा चौका प्रहार गरेपछि जित सम्भव भएको थियो।