दमक।  झापाको गौरादहमा सम्पन्न झापा जिल्ला स्तरीय अन्तर पालिका भलिबल प्रतियोगिताको उपाधि दमकले जितेको छ।

गौरादहको जनता माविको खेल मैदानमा भएको खेलमा दमकले भद्रपुरमाथि शानदार जित हासिल गर्दै उपाधि जितेको हो।

 

दमकले भद्रपुरमाथि सोझो सेटमा जित हासिल गरेको थियो। पहिलो सेट २५-१७ ले जितेको दमकले दोश्रो सेटमा ५ अंकले पछि परेको स्थिति उल्टाउँदै उत्कृष्ट पुनरागमन गर्दै २७-२५ ले जित्यो।

त्यसपछि तेश्रो सेटमा शुरुवातदेखी नै उत्कृष्ट प्रदर्शन गरेको उसले शानदार प्रदर्शन गर्दै भद्रपुरलाई  २५-१४ को फराकिलो अन्तरले पराजित गरेको थियो। फाइनल खेलेको म्यान अफ दि म्याच दमकका प्रकाश लिम्बु भए।

वेष्ट स्पाइकरको उपाधि भद्रपुरका भरत यादवले हात पारे भने वेष्ट सेटरको उपाधि दमकका कप्तान मुस्कान लिम्बुले जिते । त्यस्तै वेष्ट लिब्रोको उपाधि भद्रपुरका पारस शर्माले हात पार्दा म्यान अफ दि सिरीजको उपाधि दमकका पुकार तामाङले हात पारे । जितसँगै दमकले नगद एक लाख प्राप्त गर्यो । त्यस्तै उपविजेता भद्रपुरले ५० हजार हात पार्यो।