दमक। झापाको दमकबाट प्रहरीले तास खेलिरहेका ६ जनालाई पक्राउ गरेको छ। दमक नगरपालिका वडा नम्बर २ बस्ने ४० वर्षीय मोहन कुमार तामाङको घरमा तास खेलिरहेको अवस्थामा तामाङ लगायत ६ जनालाई आइतबार दिउँसो प्रहरीले पक्राउ गरेको हो ।

उक्त घरमा जुवातास खेलिरहेको भन्ने खबर प्राप्त हुनासाथ ईलाका प्रहरी कार्यालय दमकबाट खटिएको प्रहरी टोलीले उनीहरुलाई नगद १ लाख २० हजार ५ सय रुपैयाँ र ३ बुक तास सहित पक्राउ गरेको प्रहरीले जनाएको छ । यस सम्बन्धामा प्रहरीले थप अनुसन्धान गरिरहेको जनाएको छ।