झापा। झापाको दमकमा तास खेलिरहेका ९ जनालाई प्रहरीले पक्राउ गरेको छ। दमक नगरपालिका वडा नम्बर -५ का  टेक बहादुर कार्कीको घरमा तास खेलिरहेको अवस्थामा प्रहरीले उनीहरुलाई पक्राउ गरेको हो ।

पक्राउ पर्नेमा घरधनि ४६ बर्षीय टेक बहादुर कार्की, सोही स्थानका ५१ बर्षीय कुशराज खत्री, ५४ बर्षीय सुरेश भण्डारी, ३८ बर्षीय नारायण कडरिया, ४१ बर्षीय सुर्य न्यौपाने, ४८ बर्षीय खगेन्द्र भुजेल, ४० बर्षीय खगेन्द्र राजवंशी, दमक- ८ का २९ बर्षीय प्रदिप थापा र कमल गाऊँपालिका-५ का ३० बर्षीय सुरेश सुब्बा रहेकाे प्रहरीले जनाएको छ ।

हिजो बेलुका साढे ३ बजे बिशेष सूचनाको आधारमा ईलाका प्रहरी कार्यालय दमकबाट खटिएको प्रहरी टोलीले उनिहरुलाई तिन बुङ तास र नगद २९ हजार ७ सय ४५ रुपैयाँसहित पक्राउ गरिएको छ । पक्राउ परेका उनिहरुको थप अनुसन्धान गरेको ईलाका प्रहरी कार्यालय दमकले जनाएको छ ।