दमक। दमकको गोल्डेन गेट बचत तथा ऋण सहकारी संस्थाले दमकको वडा नम्बर-८ स्थित डाँफे मुनाल टोलमा गमला र धुपी हस्तान्तरण गरेको छ।

संस्थाको ९ औं बार्षिक उत्सवको अवसरमा आयोजित कार्यक्रममा संस्थाका अध्यक्ष गजेन्द्र निरौलाले वडा अध्यक्ष पशुपति राज गौतम र टोल विकास समितिकी संयोजक तुलसा अधिकारी नेपाललाई गमला र धुपी संयुक्तरुपमा हस्तान्तरण गरेका हुन् । संस्थाले ४० ओटा गमला र धुपी हस्तान्तरण गरेको हो।

सो कार्यक्रममा बोल्दै वडा अध्यक्ष गौतमले गमला र फुलको संरक्षण गर्ने दायित्व टोलबासीको भएको भन्दै यसले टोलको सोन्दर्यता बड्ने उल्लेख गर।

त्यस्तै संस्थाका अध्यक्ष निरौलाले प्रत्येक वर्ष बार्षिक उत्सवको अवसरमा सामाजिक क्षेत्रमा सहयोग गर्ने निति अनुरुप यस वर्ष गमला र धुपी हस्तान्तरण गरेको बताए।

हस्तान्तरण लगत्तै संस्थाका कर्मचारी, जनप्रतिनिधि र टोल विकास संस्थाका प्रतिनिधिहरु सहितको टोलीले धुपी रोपेका थिए।