दमक। झापाको चारपाने स्थित बेलडाँगीमा जारी तेश्रो साउदी अरब गोल्डकप फुटबल प्रतियोगिताको उपाधिका लागि आयोजक साउदी अरब भेट्रान र चर्च ब्वाईज काठमाडौँ भिड्ने भएका छन्।

दुधौली स्पोर्टिङ्ग क्लब सिन्धुलीलाई पराजित गर्दै आयोजक साउदी अरब भेट्रान फाइनल प्रवेश गरेसँगै यी दुई टिमबीच उपाधि भिडन्त पक्का भएको हो ।

उसले सिन्धुलीमाथी एक शुन्यको झिनो अन्तरमा जित निकाल्दै फाइनल यात्रा तय गरेको हो। पहिलो हाफसम्म गोलरहित बराबरी खेलेको आयोजकलाई फाइनल पुर्याउन मिलन राईको गोल नै निर्णायक बन्यो। उनले दोश्रो हाफको २१ औं मिनेटमा गोल गरेका थिए ।

सिन्धुलीले आँफूले पाएका आधा दर्जन बढी अवसरहरु खेर फाल्दा पराजय भोगेको थियो। खेलको म्यान अफ दि म्याच गोलकर्ता राई नै घोषित भए।

प्रतियोगिताको विजेताले नगद एक लाख एक हजार एक सय एघार तथा उप-विजेताले नगद एकाउन्न हजार एक सय एघार रूपैयाँ प्राप्त गर्ने छन्। खेल श्री वीर अमरसिंह माविको खेल मैदानमा भइरहेको छ। फाइनल खेल शनिबार हुनेछ।