दमक। झापाको दमकमा भोलिबाट शुरुहुने प्रथम दमक कप राष्ट्रिय महिला भलिबल प्रतियोगिताको ड्र सार्वजनिक भएको छ । दमकको होटल डि टाउनमा भएको ड्र सार्वजनिकमा समूह क मा शसस्त्र प्रहरीको एपीएफ, नेपाल पुलिस क्लब र प्रदेश एक छन् । समूह ख मा सेनाको त्रिभुवन आर्मी क्लब, न्यु डाइमण्ड स्पोर्ट्स क्लब र दमक भलिबल संघ छन् ।

प्रतियोगिताको उद्घाटन खेलमा नेपाल पुलिस क्लब र एपीएफ तथा दोश्रो खेलमा त्रिभुवन आर्मी क्लब र न्यु डाइमण्ड स्पोर्ट्स एकेडेमी आमनेसामने हुनेछन् । उद्घाटन खेल विहान १० बजे हुनेछ ।

प्रतियोगिताको विजेताले नगद २ लाख, उपविजेताले एक लाख र तेश्रो हुने टिमले ५० हजार हात पार्ने छन् । खेल दमक ७ स्थित पशुहाटमा हुनेछ । सो खेलको  रेडियो झापा र khelkudtimes ले प्रत्यक्ष प्रशारण गर्ने छन् ।