काठमाडौं । नेकपा एमालेको केन्द्रीय कमिटी बैठक आज पनि बस्दैछ । बैठक ललितपुरको च्यासल स्थित तुल्सीलाल स्मृति प्रतिष्ठानमा दिउँसो ३ बस्ने छ ।

बैठकमा पार्टीको सांगठनिक संरचना, देशको पछिल्लो राजनीतिक घटनाक्रम लगायत विषयमा छलफल हुने एमाले केन्द्रीय कार्यालयका सचिव शेरबहादुर तामाङले जानकारी दिनुभयो । बैठक सोमबारदेखि सुरु भएको हो ।

सोमबार बसेको बैठकले कार्यदलले तयार पारेको १० बुँदे सहमति अनुमोदन गर्दै कार्यान्वयन गर्ने र शेरबहादुर देउवालाई विश्वासको मत दिने २२ सांसद्लाई स्पष्टिकरण सोध्ने निर्णय गरेको थियो ।