दमक।  संविधान दिवसको अबसरमा झापाको दमकमा साँझ दीप प्रज्वलन गरिएको छ । नेपालको नक्शा बनाएर खुशी मनाउँदै नेकपा एमालेको भातृ संगठन युवासंघ नेपाल र अनेरास्ववियूले संयुक्त रुपमा दीप प्रज्वलन गरेका हुन् । दमकको डाँफेमुनाल चोकमा गरिएको दीप प्रज्वलनमा सय बढी नेता कार्यकर्ताको उपस्थिति रहेको थियो ।

२०७२ साल असोज ३ गते संविधान जारी भएको दिनको सम्झनामा हरेक वर्ष यो दिन संविधान दिवस मनाइन्छ । संविधान दिवसमा सरकारले सार्वजनिक विदा पनि दिने गरेको छ ।