दमक। झापाको दमकमा नेपाली कांग्रेसकाे नगर नेतृत्वको लागि अहिले मतदान भइरहेको छ। दमकको नेतृत्व हत्याउन तीन प्यानल बनाएर कांग्रेसका युवा नेताहरु चुनावी मैदानमा छन्। दमक कांग्रेसको नेतृत्वका लागि प्रकाश प्रसाई, रोशन बिष्ट र पर्शुराम रिजालको तीन समुह चुनावी मैदानमा छन्।

दमक-५ मा जारी मतदानमा कांग्रेसका युवा नेता तथा क्षेत्रिय सभापतिका उमेद्वार रोशन गौतमले पहिलो मत हाल्नु भएको थियो। त्यसको केहिबेरपछि सभापतिका उमेद्वार द्वोय रोशन बिष्ट र पर्शुराम रिजाललेसँगै मतदान गर्नु भएको थियो।

त्यसपछि शेरबहादुर भट्टराई, रेगिना भट्टराई प्रसाई,  प्रतिनिधि सभा सदस्य महेन्द्रा लिम्बु, संविधान सभा सदस्य विश्वदीप लिङदेनले मतदान गर्नु भएको थियो। मतदान शान्तिपूर्ण रूपमा भैरहेको छ।