दमक। झापाको दमकमा योर्स मिटमार्ट एण्ड ग्रोसरीको उद्घाटन गरिएको छ। दमक-६ मा रहेको सो मिटमार्टको एक कार्यक्रमकाबीच दमक नगरपालिकाका प्रमुख रोम नाथ ओलीले रिबन काटेर उद्घाटन गर्नु भएको हो।

तुलसी भट्टराई, मोहन खतिवडा र नरेश बन्जाराको लगानी रहेको सो मिटमार्ट एण्ड ग्रोसरीको उद्घाटन कार्यक्रममा बोल्दै नगर प्रमुख ओलीले स्वस्थ सामाग्री र म्याद भएका सामाग्री बिक्री गर्दै ग्राहकलाई सन्तुष्ट बनाउन आग्रह गर्नुभयो। उहाँले ग्राहक आकर्षित गर्न विभिन्न प्रकारका योजना समेत ल्याउन सुझाव समेत दिनुभयो।

त्यस्तै विशिष्ट अतिथि उद्योग वाणिज्य संघ दमकका अध्यक्ष गोकुल श्रेष्ठले सफलताको शुभकामना व्यक्त गर्नुभएको थियो। कार्यक्रममा वडा नम्बर-६ का वडा अध्यक्ष टेकबहादुर थापा, माओवादी केन्द्रका नेता गगन पुरी लगायतको उपस्थिति रहेको थियो।

ग्रोसरीमा स्वदेश तथा विदेशका विभिन्न प्रकारका अत्यावश्यकीय सामान भएकाले उपभोक्तालाई सहज हुने निश्चित छ। कार्यक्रम तुलसी भट्टराईको अध्यक्षतामा सम्पन्न भएको थियो।