काठमाडौं। पछिल्लो २४ घण्टामा ३ हजार ८ सय ५३ जनाले कोरोना भाइरस जित्न सफल भएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३ हजार ८ सय ५३ जना संक्रमणमुक्त भएका हुन् । यो सँगै नेपालमा कोरोना संक्रमणमुक्त हुनेको संख्या ५ लाख ८८ हजार १ सय ८७ पुगेको छ ।

यसैगरी पछिल्लो २४ घण्टामा २ हजार ४ सय ४४ जनामा संक्रमण पुष्टि भएको छ । मन्त्रालयका अनुसार पछिल्लो २४ घण्टामा गरिएको ६ हजार ६ सय ४८ पीसीआर परीक्षणमध्ये एक हजार ५ सय ९ संक्रमित र ४ हजार ९ सय ९२ एन्टिजेन परीक्षणबाट ९ सय ३५ संक्रमित गरी जम्मा २ हजार ४ सय ४४ जनामा संक्रमण पुष्टि भएको हो ।

मन्त्रालयका अनुसार पछिल्लो २४ घण्टामा ४२ संक्रमितले ज्यान गुमाएका छन् । हालसम्म नेपालमा ९ हजार ५१ जनाको कोरोना संक्रमणका कारण मृत्यु भइसकेको छ ।

स्वास्थ्य मन्त्रालयका अनुसार हालसम्म नेपालमा ७ लाख ५२ हजार १ सय १० जनाले कोरोनाविरुद्धको खोपको पूर्ण डोज लगाईसकेका छन् भने २५ लाख ८७ हजार ८ सय ७३ ले खोपको पहिलो डोज लगाईसकेका छन् ।