दमक। झापाको दमकमा भोलिबाट शुरु हुने दमक गोल्डकप फुट्बल प्रतियोगिताको सम्पूर्ण तयारी पूरा भएको छ। दमक-३ स्थित प्रस्तावित मदन भण्डारी रंगशालामा हुने सो प्रतियोगितामा नेपालका दुई विभागीय टोलीसहित नेपाल र भारतका गरी १० टिमको सहभागीता रहनेछ ।

प्रतियोगिताको उद्घाटन खेलमा आयोजक दमक-११ र वागमती युथ क्लब सर्लाही आमनेसामने हुनेछन् । प्रतियोगिताको विजेताले नगद १३ लाख ११ हजार तथा उपविजेताले नगद ६ लााख ११ हजार हात पार्नेछ । प्रतियोगिताको आयोजना दमक नगर खेलकुद विकास समितिले गरेको हो ।