दमक। झापाको दमक -२ स्थित शिवाश्रम मन्दिरको सभाहलमा आयोजित रक्तदान कार्यक्रममा २२ जनाले रक्तदान गरेका छन् ।प्रगति युवा क्लबले आयोजना गरेको सो कार्यक्रममा १६ पुरुष र ६ महिला गरि २२ जनाले रक्तदान गरेका हुन् ।

कार्यक्रममा पहिलो रक्तदाताको रुपमा मनोज श्रेष्ठले रक्तदान गरेका थिए । कार्यक्रमलाई प्रमुख अतिथि तथा वडा नम्बर २ का वडा अध्यक्ष प्रजापति सापकोटा, ध्रुव गुरागाई, भुपाल थापा लगायतले सम्बोधन गर्नु भएको थियोे ।

क्लबका अध्यक्ष सुजन बजगाईको अध्यक्षतामा भएको उक्त कार्यक्रममा क्लबले आफ्ना सदस्यहरुलाई सम्मान समेत गरेको थियो । कार्यक्रम प्रतिमा दाहालले संचालन गरेकी थिईन् ।