दमक। ज्येष्ठ नागरिक सम्मान प्रतिष्ठान नेपाल दमक-५ ले २० ओ बार्षिक साधारण सभा सम्पन्न गरेकाे छ । ज्येष्ठ नागरिक सम्मान प्रतिष्ठान नेपालकाे केन्द्रिय कार्यलयमा भएकाे साधारण सभामा ३४० जना केन्द्रिय प्रतिनिधिहरुकाे उपस्थितिकाे रहेकाे थियाे ।

उक्त कार्यक्रममा ज्येष्ठ बुबा ,आमा, असल ज्वाइँ, असल बुहारीलाई सम्मान गर्नुका साथै उत्कृष्ठ कार्य गर्ने वडा समिति हरुलाई समेत सम्मान गरिएकाे थियाे । उत्कृष्ठ कार्य गर्ने वडा समिति हरु वडा नं. १, ८ र ३ रहेका छन ।

वडा समिति लाई क्रमश रु ५०००,४००० र ३००० नगद र प्रशंसा पत्र प्रदान गरिएकाे थियाे। साथै दमक नगरपालिकाले बाबुआमा तथा सासू ससुरा लाई उचित रेखदेख र स्याहार सुसार गर्ने दमकका १० वटै वडाबाट १/१ जना पर्ने गरि असल छाेरा बुहारी तथा छाेरी ज्वाई लाई विभिन्न सामाग्री सहित प्रमाण पत्र द्वारा सम्मान गरिएकाे थियाे ।

दमक नगर पालिकाका कार्यबाहक नगर प्रमुख रेगीना प्रसाईकाे प्रमुख आतिथ्यतामा भएकाे उक्त कार्यक्रम ज्येष्ठ नागरिक सम्मान प्रतिष्ठान नेपाल का केन्दिय अध्यक्ष सीताराम खतिवडाकाे अध्यक्षतामा भएकाे थियाे भने कार्यक्रमकाे सन्चालन प्रतिष्ठानका उपसचिव शिव काफ्ले ले गरेका थिए ।