दमक। कवि ओम खनालको कृति निलो आकाशको परिचर्चा गरिएको छ। साहित्य कला सङ्गमका कोषाध्यक्ष समेत रहेका कवि ओम खनालको कविता कृति “निलो आकाश” माथि एक कार्यक्रमका बिच चर्चा गरिएको हो।

दमक -८ मा रहेको के बि आर होटलमा भएको उक्त कार्यक्रममा साहित्य कला सङ्गमका पदाधिकारीहरु र भारतको दार्जेलिङ बाट आएका बरदान समुहका स्रष्टाहरुको उपस्थिति रहेको थियो ।कार्यक्रममा साहित्यकला सङ्गमका अध्यक्ष विष्णु न्यौपाने, उपाध्यक्षहरु बिन्दु दहाल मुक दर्शक र यादवप्रसाद अधिकारी,पूर्व अध्यक्ष नरपति पाण्डे,बरदान समुहकी अध्यक्ष सोनु राई, महासचिव सुमित्रा अबिरलले उक्त कृतिको बारेमा चर्चा गरेका थिए ।

कार्यक्रममा साहित्य कला सङ्गमका सदस्यहरु बिरेन्द्र खडका,मेघनाथ बन्धु ,गोपाल दहाल ,अम्बिका सापकोटा लगायतले कृतिमा रहेका कविताहरु वाचन गरेका थिए ।

कार्यक्रममा कवि खनाल ले बरदान समुहका सबै स्रष्टाहरुलाई निलो आकाश कृति प्रदान गरेका थिए । साहित्य कला सङ्गमका महासचिव दीपक सुवेदीले सञ्चालन गर्नु भएको उक्त कार्यक्रमको अध्यक्षता समेत गरेका सङ्गमका अध्यक्ष विष्णु न्यौपानेले ” निलो आकाश” कृतिमा रहेको”छन्दको रस ” कविता वाचन गरेर कार्यक्रमलाई समापन गरेका थिए ।