दमक। लायन्सकर्मीहरुले दमकको कोभिड उपचार केन्द्रका लागी दैनिक उपभोग्य सामाग्री वितरण गरेका छन् । दमक र लखनपुरका चार लायन्स क्लबमा आबद्ध लायन्सकर्मीहरुले कोभिड उपचार केन्द्रलाई खाना पकाउन प्रयोग गरिने ग्यास सिलिण्डर सहितका सामाग्री वितरण गरेको लायन्स क्लब अफ दमक लखनपुरका सचिव दिपक खड्काले जानकारी दिनुभयो ।

ति सामाग्रीहरु प्रमुख अतिथि एनएलएफ चिफ पवन अधिकारीबाट दमक नगरपालिकाकी उप–प्रमुख गिता अधिकारीलाइ हस्तान्तरण गरिएको थियो। कार्यक्रममा लायन्स क्लब अफ दमक लखनपुरका अध्यक्ष राजु खड्का, दमक एक्टिभकी अध्यक्ष कल्पना पोख्रेल, डा. नविन ढकाल, दमक गरिमाका अध्यक्ष नविन अग्रवाल, कमल प्रोफेशनलका फष्ट भिपी पुष्प पाठक कौशिक, लियो दिपिना भट्टराई, आइपीपी अनिस खड्का, लायन नेत्र चौलागाई लगायतको उपस्थिति रहेको थियो ।

पछिल्लो क्रममा यि चार लायन्स क्लबहरुले विभिन्न कार्यक्रम गर्दै सामाजिक कार्यलाई तिव्रता दिएका छन् । हिजो मात्र यि क्लबहरुले संयुक्त रुपमा दमकको हिमावीको सेनिटाइज गरेका थिए । उनीहरुको यो चौथो संयुक्त कार्यक्रम हो ।