काठमाडौँ। प्रचण्डदेखि शेरबहादुरसमेतलाई चकित पार्दै नेकपा एमाले एकताका लागि कार्यदलले लगभग सहमति जुटाएको छ । शुक्रबार सिंहदरबारमा बसेको बैठकपछि पत्रकारसँग कुरा गर्दै एमाले प्रवक्ता समेत रहनुभएका कार्यदल सदस्य प्रदीप ज्ञवालीले विवादित विषयमा सहमति जुटाइएको जानकारी दिनुभएपछि पार्टी फुटबाट बच्ने देखिएको हो । तर यो सम्भब भने त्यति सहज छैन् ।

किनकी एमाले फुटबाट पार्टी मनाउनेदेखी सत्तामा खुट्टा घुमाउने माओवादी केन्द्रका अध्यक्ष प्रचण्डको चाहना छ । जुन चाहना पुरा नहोलाकी भनेर उनी एमाले नेता माधव नेपाललाई भेट्न आज नेता नेपाल निवास पुगेको कुराले पनि छर्लङ्ग भएको छ । प्रचण्ड माधवका पक्षमा लागेसँगै ओलीको खैरो खन्ने रामकुमारी झाक्रीदेखी योगेश भट्टराई सम्मका नेताहरुले हिजो बोलेका शब्द सजिलै कसरी विर्सेलान भन्ने पनि छ ।

जुन शब्दहरुले ओलीलाई उनीहरु संसारकै ठूलो शत्रुका रुपमा मान्दछन भन्ने देखिन्छ । त्यति सम्म उत्रिएर प्रस्तुत भएकाहरु कसरी ओलीलाई अध्यक्ष मानेर बस्लान । त्यो पनि पर्ख र हेरकै अबस्थामा छ । भिम रावल, रघुजि पन्त, घनश्याम भुषाल जस्ता जनताले मन पराएका नेताहरु पनि संकटको अबस्थामा पुगिने पो हो कि भन्ने सोच्न बाध्य भएपछिको एकता प्रयास भएकाले पनि कतिपयले भने पार्टी फुट प्रचण्ड र माधवको कारण भएको भन्ने बुझेमा एकता सम्भब भएको प्रतिक्रिया पनि दिएका छन् ।

एकता नेपाली राजनीतिमा आबश्यक पनि हो । भाषणमा कम्युनिष्ट एकताको कुरा गर्न नछाड्ने प्रचण्ड प्रधानमन्त्री बन्न नपाएको झोकमा लगभग दुई तिहाईको ओली सरकार ध्वस्त गर्न योजना बद्धरुपमा नै लागेका थिए । जुन एमालेका नेताहरुले पनि बुझेका छन् । तर पार्टी विधि र विधानसम्बत भन्दापनि गुट र उपगुटबाट चलेका कारण प्रचण्डको ललिपपमा लोभिएका नेता नेपालका झोला बोकेका नेताहरु उनकै तालमा नाच्न पुगे ।

जसको कारण ओलीले संसद विघटन सम्मको बाटो रोजे । जुन प्रचण्डको जालमा माधवका अनुयायीहरुको साथले गर्दा भएको प्रष्ट छ । यतिहुँदाहुँदै पनि युवानेताहरुले आफ्नै पार्टीका अध्यक्षलाई घात गर्दै फरक पार्टीका अध्यक्षको इसारामा लाग्छन भने पार्टीका कार्यकर्ताले आगामी निर्वाचनमा गतिलो जबाफ दिने निश्चित नै छ । यसतर्फ पनि नेताले ध्यान दिउन् । नत्र घरको न घाटको हुन बाहेक अर्को विकल्प देखिदैन् ।