सुनसरी ।  सुनसरीको कोशी गाउँपालिका-२ स्थित भित्री पक्की सडक खण्डमा उत्तरबाट दक्षिण आउँदै गरेको को २ ह ११६३ नम्बरको सिटी सफारी अनियन्त्रित भई पल्टदा एक जनाको मृत्यु भएको छ। अर्का एक जना घाईते भएका छन् ।

हिजो साँझ ५ बजे भएको दुर्घटनामा सोही स्थानका ७४ बर्षीय फरेबी यादव र बराहक्षेत्र-११ कि २३ वर्षीया सबिना माझी घाईते भएका थिए ।

घाईते मध्ये यादबको नोवेल अस्पताल विराटनगरमा उपचारको क्रममा राती पौने १२ बजे मृत्यु भएको थियो  भने माझीको घोपा क्याम्प धरानमा उपचार भईरहेको छ ।

सिटी र चालक कोशी गाऊपालिका-२ का २० बर्षीय रंजित यादव जिल्ला प्रहरी कार्यालय सुनसरीको नियन्त्रणमा रहेको प्रहरीले जनाएको छ