दमक।  पेल्टिमारी प्रवासी मञ्च चुलाचुलीले चुलाचुली-३ इलामका सुरोज खतिवडालाई नगद पुरस्कार सहित सम्मान गरेको छ।

चुलाचुली-४ को बाल ज्योति माविबाट गत वर्षको एसइइमा उत्कृष्ट अंक प्राप्त गरेका खतिवडालाई नगद १० हजार सहित सम्मान गरेको संस्थाका सचिव धर्म संदेशले जानकारी दिनुभयो।

खतिवडालाई प्रमुख अतिथि गाउँपालिकाे उपाध्यक्ष निर्मला दाहाल, विद्यालय व्यवस्थापन समितिका अध्यक्ष सेतुप्रकाश राई, संस्थाका संयोजक देबेन्द्र पौडेल, विद्यालयको प्रधानाध्यापक पुष्पा पौडेल लगायतले सम्मान गर्नु भएको थियो।

संस्थाका संयोजक देबेन्द्र पौडेलको अध्यक्षतामा भएको कार्यक्रम सचिव धर्म संदेशले संचालन गर्नु भएको थियो ।