झापा। झापा अर्जुनधारा नगरपालिका-२ घर्लेनी टोल स्थित भित्रि सडक खण्डमा क्रेनले किचेर एक जनाको मृत्यु भएको छ ।

मृत्यु हुनेमा सप्तरी बोधेबर्साइन-५ का ३५ बर्षीय जोगेन्द्र प्रसाद साह रहेका छन् । हिजो बेलुका पौने ६ बजे सुखानीबाट टाङटिङ खोलातर्फ जादै गरेको ना १ क ५४०० नम्बरको क्रेनको पछाडीको भागमा चढी बसेको मदन भण्डारी राजमार्गको पुल निर्माण गर्ने रसुवागढी कन्ट्रक्सनको कामदार रहेका साहको क्रेनको पछाडीको बाँया साइडको चक्काले किच्दा घटनास्थमानै मृत्यु भएको प्रहरीले जनाएको छ ।

क्रेन र क्रेन चालक रौतहट रंगपुर-२ का २४ बर्षीय मुकेश चौधरी ईलाका प्रहरी कार्यालय अनारमनीको नियन्त्रणमा रहेको पनि प्रहरीले जनाएको छ । घटनाबारे थप अनुसन्धान भईरहेको छ ।