मोरङ । मोरङको रतुवामाई नगरपालिका-८ आँमडाडा  स्थित आँमबारी-उर्लाबारी सडक खण्डमा ट्याक्टर र मोटरसाईकल ठक्कर खाई दुर्घटना हुँदा एक जनाको मृत्यु भएको छ। एक जना घाईते भएका छन् ।

हिजो बेलुका ८ बजे मे १ त ४४८७ नम्बरको ट्रयाक्टर र बिपरीत दिशाबाट आउँदै गरेको प्र-३-०२-००२ प ४५८७ नम्बरको मोटरसाईकल ठक्कर खाई दुर्घटना हुँदा मोटरसाईकल चालक सोही स्थानका २७ बर्षीय बिबेक पोखरेल र पछाडी सवार २८ बर्षीय यादव पाठक घाईते भई उपचारको लागी न्युरो अस्पताल विराटनगर पठाईएको थियो ।

घाईते मध्ये यादव पाठकको उपचारको क्रममा गएराती साढे ८ बजे मृत्यु भएको प्रहरीले जनाएको छ । ट्याक्टर र चालक रतुवामाई नगरपालिका-२ का ३२ बर्षीय गणेश पासवान ईलाका प्रहरी कार्यालय सिजुवाको नियन्त्रणमा रहेका छन् । घटनाको सम्बन्धमा थप अनुसन्धान भईरहेको प्रहरीले जनाएको छ ।