काठमाडौं। मुगुको छायाँनाथ रारा नगरपालिकाको झ्यारी खोलामा भएको बस दुर्घटनामा मृत्यु हुनेको संख्या ३२ पुगेको छ।

कर्णाली प्रदेश प्रहरी कार्यालयका अनुसार २४ जनाको घटनास्थलमै मृत्यु भएको हो भने २ जनाको घटनास्थलबाट उद्दार गरेर विमानस्थलमा लैजाने क्रममा तथा २ जनाको विमानस्थल पुर्‍याइएपछि मृत्यु भएको हो। यस्तै, ४ जनाको उपचारका लागि नेपालगञ्ज नर्सिङ होममा पुर्‍याएपछि मृत्यु भएको हो।

जिल्ला प्रहरी कार्यालयका अनुसार बसमा ४५ जना सवार थिए। अन्य सबै यात्रु घाइते रहेका प्रहरीले जानकारी दिएको छ।