दमक। पूर्व फुटबल खेलाडी तथा शिवसताक्षी नगर खेलकुद विकास समितिका संयोजक प्रदीप गोले (फुर्वा) नेकपा एमालेको नगर अधिवेशनबाट शिवसताक्षी नगर सदस्यमा सर्वाधिक मतका साथ विजयी हुनुभएको छ। उहाँले सदस्यहरुमा सबैभन्दा बढी मत प्राप्त गर्नु भएको हो ।

नगरप्रतिधि सहित ६ सय १७ मतदाता मध्ये ५ सय ६५ मत खसेकोमा फुर्वाले ३ सय ७४ मत प्राप्त गर्नु भएको थियो। जुन मत सदस्यहरुले प्राप्त गरेको सबैभन्दा बढी मत हो ।

जितपछि उहाँले शुभदिनसँग कुरागर्दै आँफूलाई योग्य सम्झेर मतदान गर्नु हुने सबैलाई धन्यवाद दिनुभयो। त्यस्तै उहाँले आफ्नो हितका लागि लागिपर्नु हुने सबै प्रति आभार प्रकट गर्दै पार्टी नेतृत्वले युवाहरुलाई पनि समेटेकोमा धन्यवाद दिनुभयो।

उहाँले युवाहरुको जोस र भिजनले पार्टीलाई शसक्त बनाउने भन्दै आफ्नो भिजन पनि राखेर पार्टीलाई अगाडि बढाउन समर्पित हुने प्रतिबद्धता समेत व्यक्त गर्नुभयो।

गोले जिल्ला स्तरीय फुटबल खेल्दै नेपालको सबैभन्दा पुरानो फुटबल क्लब न्युरोड टिम एनआरटीमा समेत आबद्ध भइ ए डिभिजन राष्ट्रिय लिग फुटबल खेलेका खेलाडी हुन् ।

गोलेकै नेतृत्वमा नेपाल मै पहिलो पटक शिवसताक्षी नगरपालिकाले मेयर कपको नाममा ओलम्पिक मोडलको खेलकुद प्रतियोगिता समेत गरेको छ ।