दमक। झापाको दमक स्थित भुटानी शरणार्थी शिविर बेलडाँगीमा आगलागी भएको छ। आगलागीबाट २ घर पूर्ण रुपमा क्षति भएको शिविर प्रमुख सुरेन्द्र राज दाहालले जानकारी दिनुभयो।

उहाँका अनुसार मधु चापागाईं र अमर बहादुर मगरको घर पूर्ण रुपमा क्षति भएको हो। इलाका प्रहरी दमकको प्रहरी टोली, सशस्त्र प्रहरी बेलडाँगी र स्थानीयको सहयोगमा आगो नियन्त्रणमा आएको पनि शिविर प्रमुख दाहालले जानकारी दिनुभयो।

दाहालको अनुसार लक्ष्मी पुजामा दियो बाल्ने क्रममा अमर बहादुर मगरको घरबाट आगो सल्किएको थियो।

त्यस्तै क्याम्प व्यवस्थापन समितिका सल्लाहकार टिकाराम कालिकोटेले प्रहरीको सहयोगका कारण आगो चाँडै नियन्त्रणमा आएको प्रतिक्रिया दिनुभयो। क्षतिको विवरण भने आउन बाँकी छ।