वि.पी कोईराला, सप्तरी। नेपाली कांग्रेसको १४ औँ महाधिवेशन अन्तर्गत सप्तरीको सप्तकोशी नगरपालिकाको सभापतिमा युवराज खनाल बिजयी हुनुभएको छ ।

बिजयी युवराज खनालले ६७ मत र सभापतिका अर्का उम्मेदवार चन्द्रशेखर चौधरीले ५९ मत प्राप्त गरेका हुन ।

८ मतको अन्तरले पराजित भएका सभापतिका उम्मेदवार चन्द्रशेखर चौधरीले आफ्नो उम्मेदवारी लोकतान्त्रीक प्रक्रियामात्र भएको र आगामी दिनमा सभापति खनालसँग सहकार्य गर्दै पार्टीलाइ एक ढिक्का बनाएर अघि बढाउने प्रतिबद्धता व्यक्त गर्नुभयो ।

यसैगरी उपसभापतिमा उत्तर श्रेष्ठ र बिष्णुदेब चौधरी निर्बिरोध चयन भएका हुन। यस्तै सचिबका २ उम्मेदवार पप्पु चौधरी १०७ मत र सुदर्शन दुलाल ९९ मत ल्याई निर्वाचित भएका हुन। यस्तै सहसचिवमा क्रमशः तुलसी विमली र प्रभु साह निर्विरोध निर्वाचित भएका छन।

सभापतिमा बिजयी खनालले बिपिको सपना र बिचारलाई साकार पार्न आफु लागेपर्ने भन्दै पार्टीलाई नयाँ ढंगले अघि बढाउनुपर्ने आवश्यकता रहेको औल्याउनुभयो ।

सप्तकोशी नगरपालिकाको आगामी स्थानीय निकायको चुनावी समिकरणमा हालको कांग्रेस अधिवेसनले नयाँ मोड लिने कार्यकर्ताहरुमाझ अपेक्षा देखिन्छ।