दमक। फोकस १६ एफसी धरानलाई पाखा लगाउँदै चर्च ब्वाईज काठमाडौँ झापाको चारपाने स्थित बेलडाँगीमा जारी तेश्रो साउदी अरब गोल्डकपको फाइनलमा प्रवेश गरेको छ।

उत्कृष्ट खेल प्रदर्शन गरेको उसले धरानलाई ४-१ को फराकिलो अन्तरमा पराजित गरेको हो। विजयी टिमका लागि संतोष न्यौपानेले ह्याट्रिक गरे भने संगम भुजेलले थप गोल गरे ।

न्यौपानेले पहिलो हाफको १२औं तथा दोश्रो हाफको १७ औं र ३१ औं मिनेटमा गोल गरेका थिए। त्यस्तै संगमले पहिलो हाफको ३१ औं मिनेटमा गोल गरेका थिए।

पराजित धरानका लागि अनिष चौधरीले दोश्रो हाफको ११ औं मिनेटमा गोल गरेका थिए। खेलको म्यान अफ दि म्याच ह्याट्रिककर्ता संतोष न्यौपानेले भए।

बिहीबार अन्तिम सेमिफाइनल खेलमा आयोजक साउदी अरब भेट्रान र दुधौली स्पोर्टिङ्ग क्लब, सिन्धुली आमनेसामने हुनेछन्।

प्रतियोगिताको विजेताले नगद एक लाख एक हजार एक सय एघार तथा उप-विजेताले नगद एकाउन्न हजार एक सय एघार प्राप्त गर्ने छन्। श्री वीर अमरसिंह माविको खेल मैदानमा जारी प्रतियोगिताको आयोजना साउदी अरब भेट्रान क्लबले गरेको हो।

प्ति्र्रक्रियामा