दमक। पहिलो पाईला नेपाल दमकले आज असार १५ को दिन पारेर बृद्धबृद्धाहरुलाई खीर खुवाएको छ । अध्यक्ष दीपक खड्काको नेतृत्वमा रहेको सो सामाजिक संस्थाका पदाधिकारी सहितको टोलीले आज दमक–४ स्थित रत्न ज्येष्ठ नागरिक बृद्धाश्रमका बृद्धबृद्धाहरुलाई खीर खुवाएको हो ।

त्यस्तै सो संस्थाले फलफूल, दाल, साबुन, सरफ लगायतका सामाग्री पनि वितरण गरेको अध्यक्ष दीपक खड्काले जानकारी दिनुभयो । सो क्रममा संस्थाका उपाध्यक्ष सुरेश बराल, सचिव मेघनाथ फुयाँल, सहसचिव राजु निरौला, कोषाध्यक्ष दिवस खतिवडा तथा रोशन अधिकारी, विष्णु राई लगायतको उपस्थिति रहेको थियो ।