काठमाडाैं ।  प्रमुख प्रतिपक्षदल नेकपा एमालेकी सांसद् पवित्रा निरौला खरेलले हतियार खरिदका विषयमा प्रधानमन्त्री शेरबहादुर देउवाले सदनलाई जवाफ दिनुपर्ने माग गर्नुभएकाे छ ।

शुक्रबार बसेकाे प्रतिनिधि सभा बैठककाे सुरुमै विशेष समय लिएर बाेल्दै सांसद् खरेलले हतियार खरिदका लागि ठूलाे रकम छुट्याइएकाे कुरा उठेकाले प्रधानमन्त्रीले जवाफ दिनुपर्ने बताउनुभयाे ।

सरकारले चीन र भारतबाट हतियार ल्याउने तयारी गरिरहेकाे भन्दै उहाँले प्रधानमन्त्री कुनै बन्द काेठामा नभएर सदनमा आएर हतियार किन्दैनाैं भन्ने प्रतिबद्धता जनाउनुपर्ने उहाँकाे माग छ ।