दमक। इलामको चुलाचुली गाउँपालिका ६ खुडीमा दोस्रो उपाध्यक्ष कप भलिबल प्रतियोगिता हुने भएको छ । पुस ३० गतेदेखि हुने सो प्रतियोगिताको तयारी अन्तिम चरणमा पुगेको आयोजकले जनाएको छ। चुलाचुली गाउँपालिका खेलकुद बिकास समितिका अध्यक्ष देबेन्द्र तुम्रोक (डम्बर) ले प्रतियोगिताको तयारी अन्तिम चरणमा पुगेको बताउनु भएको छ। उहाँका अनुसार आज सम्म सम्पूर्ण तयारी पुरा हुनेछ । प्रतियोगितामा झापा, मोरङ,इलाम र पाँचथरका गरि ८ टोलीको सहभागिता रहने पनि अध्यक्ष तुम्रोकले जानकारी दिनुभएको। प्रतियोगिताको विजेताले नगद ५१ हजारसँगै ट्रफी हात पार्नेछ । त्यस्तै उपविजेताले ३१ हजार हात पार्नेछ । प्रतियोगिताको समूह चरणमा बेष्ट अफ थ्री र सेमिफाइनलबाट बेष्ट अफ फाएबका खेल हुने सचिव लिला बास्कोटाले जानकारी  दिनुभयो । फाइनल खेल माघ १ गते हुनेछ। प्रतियोगिताको आयोजना चुलाचुली गाउँपालिकाको खेलकुद बिकास समितिले गरेको हो।