दमक। खनाल सेवा समिति दमक नगर समितिले आफ्नो तेस्रो साधारण सभामा तीन जनालाई सम्मान गरेको छ । सम्मानित हुने हरुमा दुई ज्येष्ठ बुबा दुर्गा प्रसाद खनाल र ज्येष्ठ आमा मैना देवी खनाल हुनुहुन्छ । उत्कृष्ट कारोवार गर्ने माधवमणि खनाल रहेका छन ।

सम्मानित हुनेहरुलाई प्रमुख अतिथि खनाल सेवा समिमिका संस्थापक अध्यक्ष पुष्प कुमार खनाल, विशिष्ट अतिथि खनाल सेवा समितिका झापाका अध्यक्ष तेज प्रसाद खनालले सम्मान पत्र र दोसल्ला ओडाएर सम्मान गरेका थिए।

कार्यक्रममा खनाल सेवा समितिका सचिव ओम प्रसाद खनालले प्रस्तुत गरेको संस्थाको बार्षिक कार्य प्रगती प्रतिबेदन लाई पारित गर्नुका साथै आगामी कार्यकालको लागि नयाँ कार्य समिति समेत चयन गरेको छ ।

नयाँ कार्य समितिमा अध्यक्ष लीलानाथ खनाल, सचिव सारदा खनाल, कोषाध्यक्ष चुडामणि खनाल छन । त्यस्तै सदस्यहरुमा अभिनारायण खनाल, माधवमणि खनाल, गोमा खनाल, चुडाराज खनाल, कुमार खनाल र निरु खनाल रहेका छन ।

नव निर्वाचित समितिलाई खनाल सेवा समितिका जिल्ला उपाध्यक्ष बद्रिप्रसाद खनाल, खनाल संरक्षण समितिका सदस्य अम्विका प्रसाद खनाल, खनाल महिला मञ्च दमककी अध्यक्ष बिन्दा खनालले शुभकामना दिएका थिए। कार्यक्रम दमक नगर समितिका अध्यक्ष लीलानाथ खनालको अध्यक्षतामा भएको थियो ।