दमक। बेलबारी नगरपालिकालाई पराजित गर्दै झापा गाउँपालिका झापाको सुरुङ्गामा जारी प्रदेश एक स्तरीय अन्तर पालिका भलिबल प्रतियोगिताको सेमिफाईनलमा प्रबेश गरेको छ । सुरुङा जेसिजले आयोजना गरेको तेस्रो कनकाई कप भलिबल प्रतियोगिताको समूह चरणको पहिलो खेलमा गत बर्षको उपविजेता झापाले उपाधि दाबेदार मानिएको बेलबारी नगरपालिकालाई तीन एकको सेटमा पराजित गर्दै सेमिफाईनलमा आफ्नो स्थान पक्का गरेको हो ।

पहिलो सेट २५–१४ ले आफ्नो पक्षमा पारेको उसले दोश्रो २५-१५ ले जितेको थियोे । उत्कृष्ट खेल प्रदर्शन गर्नका बाबजुत झापाले तेस्रो सेट  २५-२३ ले गुमाएको थियोे । तर चौथौ सेटमा २५-१७ को जित हात पार्दै झापाले अन्तिम चारमा स्थान पक्का गरेको थियो । खेलको म्यान अफ द म्याच विजयी टिमका विष्णु बस्नेत भए। झापाले अब फाईनल प्रबेशका लागि चुलाचुली गाउँपालिका इलाम र बुद्दशान्ति गाउँपालिका झापाको विजेतासँग ६ गते प्रतिश्पर्धा गर्नेछ । चुलाचुली गाउँपालिका इलाम र बुद्दशान्ति गाउँपालिका झापा बिहीबार आमनेसामने हुनेछन् । बिहीबार नै  शिवसताक्षी नगरपालिका र गौरादह नगरपालिकाबीच पनि खेल हुनेछ ।प्रतियोगिताको विजेताले नगद एक लाख एघार हजार तथा उपविजेताले नगद ६१ हजार एक सय एघार हात पार्नेछन् । त्यस्तै प्रतियोगिताको तेस्रो हुने टिमले नगद १५ हजार पाँच सय ५५ तथा चौथो हुने टिमले नगद १० हजार पाँच सय ५५ हात पार्नेछ । म्यान अफ द सिरिजले नगद १० हजार हात पार्दा विधागततर्फका उत्कृष्ट खेलाडीले जनही पाँच हजार प्राप्त गर्नेछन् । प्रतियोगितामा प्रदेश एकका आठ पालिकाको सहभागिता रहेको छ।