दमक। सामाजिक कार्यमा सक्रिय रहेको सुन्दर समाज नेपालले झापाको दमक-७ स्थित नमुना बस्तीमा न्यानो कपडा वितरण गरेको छ।

समाजकी अध्यक्ष बिन्दु सिटौला लक्कीसहित नमुना बस्ती पुगेका समाजका पदाधिकारी र सदस्यहरुले त्यहाका बालबालिका तथा केही ज्येष्ठ नागरिकलाई न्यानो कपडा वितरण गरेको थियो ।

सोक्रममा समाजकी अध्यक्ष सिटौलाले आँफुहरुको सामाजिक कार्यको अभियान जारि रहेको भन्दै सरस्वती पुजाको दिन दिपीनि स्कुलका बालबालिकालाई पनि न्यानो कपडा वितरण लगायतका कार्यक्रम रहेको बताउनुभयो । समाजले सामाजिक कार्यलाई अझ फराकिलो बनाउँदै लैजाने उहाँको भनाई छ ।

न्यानो कपडा पाएसँगै त्यहाँका बालबालिका तथा ज्येष्ठ नागरिकमा खुशियाली छाएको थियो  । समाजले सामाजिक कार्यमा निक्कै ठुलो लगानी गर्दै आएको छ।