बेलडाँगी। झापाको दमकबाट लागूऔषधसहित दुई जना पक्राउ परेका छन् । पक्राउ पर्नेमा दमक नगरपालिका वडा नम्बर ३ का ३२ बर्षीय ललित तामाङ र दमक ९ का २२ वर्षीय सबिन सुनाम छन् । शसस्त्र प्रहरी बल बेलडाँगी बेस क्यामको नेतृत्वमा खटेको टोलीले तामाङलाई २ ग्राम ब्राउन सुगरसहित पक्राउ गरेको बताइएको छ।

दमक ९ का सुनामलाई १ ग्राम ५ सय मिलिग्राम ब्राउन सुगर सहित इलाका प्रहरी कार्यालय दमकले पक्राउ गरेको प्रहरीले जनाएको छ । प्रतिबन्धित लागुऔषध सहित पक्राउ परेका उनिहरुको थप अनुसन्धान भईरहेको छ । शसस्त्र प्रहरी बल बेलडाँगी बेस क्याम्पमा नयाँ प्रमुख आएसँगै त्यस क्षेत्रका लागूऔषध प्रयोगकर्ता धमाधम पक्राउ पर्न थालेको एक स्थानीय बताएका छन् ।

त्यस्तै झापाकै मेची नगर नगरपालिकाबाट प्रहरीले दुई जनालाई पक्राउ गरेको छ। इलाका प्रहरी कार्यालय काँकरभिट्टा र लागुऔषध नियन्त्रण ब्युरो काँकरभिट्टाको प्रहरी टोलीले मेचीनगर नगरपालिका ५ मा चेक जाँचको क्रममा मे. १० प ६९०७ नम्वरको मोटरसाईकलमा सवार रहेका पाँचथर याङवरक गाउँपालिका ५ का २६ बर्षीय दिपक लोक्सम र भारत दिनापुरका २५ बर्षीय रन्जित वर्मनलाई १ ग्राम ५ सय मिलिग्राम ब्राउन सुगर सहित पक्राउ गरेको प्रहरीले जनाएको छ।